. 7 سنين وعايش معايا بتجهز قبــ,,ـــــري وقبــ,,ـــــر أبويا الله يرحمه. أنت مش بني آدم.. أنت أشرــ,,ـــــس وأحقر خائن شفته في حياتي. وكيل النيابة رفع إيده وكتب القرار فوراً وبصوت جهوري: — قررنا نحن وكيل النائب العام: 1. حبس المتهمين: سامح الشريف، رانيا محمود، معتز البرنس، ومدحت (مدير فرع البنك) 15 يوماً على ذمة التحقيق في القضية رقم 8402 جنايات أموال عامة.
2. مخاطبة الكسب غير المشروع والرقابة المالية لرفع التحفظ فوراً عن الشاكية (ندى) وورثة المرحوم عبد الفتاح، لثبوت عدم العلم وتزوير المستندات. 3. انتداب الطب الشرعي وأدلة التزييف والتزوير لفحص الأختام السيليكونية المحرزة وتطابقها مع العقود. 4. إحالة أوراق القضية إلى محكمة الجنايات العاجلة بتهم التزوير في محررات رسمية، وتكوين تشكيل عصابي، وغسيل الأموال. أول ما القرار اتنطق، الحرس كبشوا سامح ومعتز ورانيا وسحبوهم لبره. سامح كان بيبصلي وهو بيتسحل على الأرض ويبكي: — ندى سامحيني!
ندى بحبك والله العظيم اتزنقت! ندى ما تسيبينيش أضيع في السجــ,,ـــــن! ما بصيتلوش ولا رمشة.. سيبته يتسحل لظلــ,,ـــــمة التخشيبة اللي يستاهلها. الأستاذ حسام اتنفس الصعداء، وتبسم بابتسامة نصر حقيقية: — مبروك يا ندى.. اسم والدك اتنظف، وأنتِ وأختك أحرار، والعدالة أخدت مجراها بالمليمتر. خرجنا من مجمع المحاكم.. كانت الساعة بتمشي ناحية 9 بالليل. الهواء البارد كان بيخبط في وشي، ولأول مرة من سنتين حسيت إن صدـ,,ـــري بيتمدد وبأخد نفس نقي بجد.
نهى الألفي وقفت جنبي ومسكت إيدي: — كده كابوسنا أتنها يا ندى.. سامح ومعتز ورانيا مش هيشوفوا الشمس قبل 15 سنة على الأقل. ابتسمت لها بامتنان: — شكراً يا نهى.. لولا شجاعتك والفلاشة، كان زماني النهاردة في التخشيبة وهما بيهربوا الملايين. ركبت العربية مع أختي والأستاذ حسام عشان نرجع البيت ونقفل الصفحة السودا دي للأبد. ولكن..
أول ما وصلنا تحت عمارة أختي، والهدوء بدأ يرجع لروحي، لمحت راجل لابس بدلة كحلي أنيقة جداً، واقف جنب عربية سودا مصفحة ومفيّمة، ومستنيني عند مدخل العمارة. أول ما قربت، الراجل خطى خطوة ناحيتي، وطلع كارنيه رسمي فضي عليه نسر الذهبي وأبرزه للأستاذ حسام وليا: — مدام ندى؟ أنا المستشار أحمد سليم من جهاز الأمن القومي.. قضية معتز البرنس وسامح مش مجرد قروض وتزوير، الشبكة دي مرتبطة بتنظيم أكبر بيمتد لثلاث دول..
والأوراق اللي لقينها في الخزنة المتروكة بتثبت إن فيه “شخص خامس” كان بيراقبك أنتِ بالذات من قبل ما تتجوزي سامح بـ 3 سنين، والشخص ده موجود حالياً منتظر في مقره ومحتاجين حضرتك معانا فوراً لأمر يخص أصل ورث والدك الحقيقي! وقفت في مكاني وأنا مش قادرة أستوعب. كلمة “شخص خامس” و”بيراقبك من قبل ما تتجوزي سامح بـ 3 سنين” نزلوا عليا زي الصدمة الكهربائية.
بصيت للمستشار أحمد سليم، وبعدين للأستاذ حسام اللي كانت ملامحه مشدودة جداً وهو بيفحص الكارنيه الرسمي بعناية، قبل ما يهز راسه ليا بإشارة إن الرجل صفته رسمية ومؤكدة. — شخص خامس؟! يراقبني أنا؟! وأصل ورث بابا؟! أستاذ حسام.. هو فيه إيه تاني؟! أنا خلاص جبت أهري وما بقتش قادرة أتحمل مفاجآت أكتر من كده! المستشار أحمد سليم اتكلم بنبرة هادية بس فيها حزم شديد: — اتفضلي معانا يا مدام ندى، مع المحامي بتاعك طبعاً.
Donia Ashraf موثّق ✦ ناشر
كاتب
كاتب إخباري وقاصّ وروائي — أشارككم أهم الأخبار وأمتع القصص والروايات.
أكتب بشغف ما يستحق القراءة — تابعوني ليصلكم كل جديد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.