دي العلبة اللي حماتي دخلت بيها الشقة أول يوم، وقالت لمراتي خدي يا رنا يا بنتي، دي حلاوة عشان تغذي صدـ,,ـــرك وتجيب لبن للواد!. حماتي! أم مراتي! هي اللي عملت في بنتها وفي حفبيدها كدة؟ عشان إيه؟ عشان الغل؟ عشان تنتقم من أمي وتحــ,,ـــــرق قلبي وقلب بنتها؟ ولا عشان تكره بنتها في الجواز والخلفة وترجع وتعيش معاها؟ دماغي كانت هتنفجر من البشاعة.. الأم تعمل في بنتها وضناها كدة؟!
الشيخ عبد الرحمن أول ما شاف العروسة والقفل، قال الله أكبر.. ظهر الحق وزهق الباطل. جيبلي إناء فيه مية وملح ورش عليه رقبة العروسة والقفل. الشيخ بدأ يقرأ المعوذتين وآيات فك السحر، وبدأ يفك الدبابيس دبوس دبوس وهو بيسمي الله، وكل ما يشيل دبوس، كنا بنسمع صوت تكة غريبة في الأوضة كأن في قيود بتتفك.
ولما جاب المفتاح وفتح القفل الحديدي ورماه في المية بملح.. سمعنا صوت صرخة بعيدة جاية من برة الشقة، صرخة خفتت لحد ما تلاشت تماماً. في نفس اللحظة.. رنا فتحت عينيها في الأوضة! بس المرة دي، عينيها كانت طبيعية تماماً.. رقيقة، هادية، مليانة دموع حقيقية مش دموع رعب. بصت حواليها وقالت بصوت ضعيف بس صافي كريم.. أنا جعانة.. ويوسف فين؟
يوسف بيعيط؟. جريت عليها وأنا بدمع، أخدتها وفضلت أعيط زي العيل الصغير.. أنتي كويسة يا رنا؟ حاسة بإيه؟. قالت لي وهي بتبتسم وبتتنفس براحة أول مرة أشوفها من شهور أنا حاسة إن في جبل انزاح من على صدـ,,ـــري يا كريم.. حاسة إني خفيفة، والضلمة اللي كانت في عيني راحت.. هجيب يوسف أرضعه؟. الشيخ عبد الرحمن ابتسم وقالي توكل على الله يا بني.. السحر اتفك، واللعنة انتهت، وربنا يحفظكم.
رنا أخدت يوسف .. البيبي كان دبلان والصفرا مأثرة عليه. قعدت على السر,,ـــــير، وحطت بؤه الصغير على صدـ,,ـــرها.. أنا كنت واقف وحاطط إيدي على قلبي، ومصطفى والشيخ واقفين بيدعوا. الواد بدأ يرتضع.. وبدأت رنا تتنفس.. ثانية.. دقيقتين.. خمس دقايق.. والواد بيرضع بنهم، ورنا بتبص له بحنان والابتسامة على وشها، وعينيها منورة.. ومفيش تشنج.. ومفيش شهقة.. ومفيش غياب عن الوعي!
Donia Ashraf موثّق ✦ ناشر
كاتب
كاتب إخباري وقاصّ وروائي — أشارككم أهم الأخبار وأمتع القصص والروايات.
أكتب بشغف ما يستحق القراءة — تابعوني ليصلكم كل جديد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.