. أنت لما جيت ماما الشقة، قعدت تحت رجليها وقولتلها ‘يا سعاد سلفيني دهبك تسليك، وهردلك الدهب جرام ينطح جرام’. ماما ما بعتلكش الفلوس، ماما إدتك غوايشها وسلسلتها اللي كانت لابساهما. أنت لو كنت استسلفت دهب من السايغ كنت هتردهوله فلوس بسعر زمان؟” كلام الولد نزل على مصطفى زي الصاعقة، والحاج عطية بص لمصطفى ونزّل عصايته على الأرض بضربة خفيفة وقال: “الولد بتكلم بحق ربنا يا مصطفى.
الشرع والعرف في سلفة الدهب واضحين زي الشمس: ‘الدهب يُرد دهباً بغض النظر عن تغير السعر’. أنت أخدت وزن، ترجع وزن. الفلوس ورق بيعلى ويوطى، لكن الوزن أمانة ثابتة في رقبتك ليوم الدين.” مصطفى أتحاصر، وش وشغله اتفضح قدام كبار المنطقة، بس كبرياؤه ورغبة التمسك بالفلوس كانت أعمى عينيه. وقف وقال بعصبية وصوت عالي: “أنا معنديش دهب! واللي عندي قلت عليه، 250 ألف يا إما ينسوا الموضوع خالص، وما حدش يقدر يجبرني على حاجة!
” الحاج عطية قام وقف، وبص لمصطفى بصة خيبة أمل وقاله: “يبقى أنت اللي اخترت يا مصطفى.. اخترت المال على الدم، واخترت القسوة على العِشرة. إحنا عملنا اللي علينا، بس افتكر إن دعوة المظلوم ملهاش حجاب، والفلوس اللي بتاكل بيها حق يتيم، بتبقى جمر نار في البطن.” خرج الحاج عطية واللي معاه، وسابوا مصطفى يغلي في الصالة. بص لي وقالي بحدة: “شايفة؟ مخلية العيلة والشارع يحفلوا عليا!
هشوف بقى سعاد دي هتعمل إيه، ولا هتعرف تاخد مني جنيه زياده!” مرت أيام قليلة، ومصطفى متخيل إن الموضوع خلص عند نقطة الرفض دي، لحد ما في يوم الصبح، وأنا بفتح باب الشقة عشان أنزل العيال المدرسة، لقيت ورقة محطوطة تحت الباب.. ورقة رسمية محتومة من المحكمة بـ “دعوى خيانة أمانة وإثبات حق”! سعاد ما سكتتش، بس المرة دي ما راحتش للمجلس العرفي تاني.
. راحت للنيابة، وكان معاها إيصال أمانة قديم ومحضر إثبات حالة بشهادة السايغ اللي وزن الدهب وقتها ومحضر المجلس العرفي! دخلت بالورقة لمصطفى وأنا برتعش، ومسكتها قدام وشه وقلتله: “أهي سعاد عملتها يا مصطفى.. الورق راح للقضاء، وأنت كده بتهدد مستقبلنا وشقتنا وعيالك بضياع بجد!” مصطفى مسك الورقة، وقرأ اللي فيها، وفي لحظتها وشّه أتمسح منه كل الكبر، وحس لأول مرة إن الحبل ابتدى يتلف حوالين رقبته.
Donia Ashraf موثّق ✦ ناشر
كاتب
كاتب إخباري وقاصّ وروائي — أشارككم أهم الأخبار وأمتع القصص والروايات.
أكتب بشغف ما يستحق القراءة — تابعوني ليصلكم كل جديد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.