سارة اتجمعت قدامي ومسكت إيدي بصيلي هنا.. متديهمش الفرصة إنهم يكسروكي! رفعت رأسي بصتلها أنا مش مکسورة يا سارة.. أنا متغاظة وجواي ڼار، وده يفرق كتير! صورنا كل ورقة في الصندوق، ورجعنا كل حاجة مكانها بالظبط عشان محدش يحس. بعتنا النسخ لأمل المحامية، ومن اليوم ده بدأت اللعبة الحقيقية. لمدة ٣ أيام، عيلة طارق مكنتش تعرف إننا لقينا الفايل الأزرق.
. وفي ال ٣ أيام دول، حصلت حاجات عجيبة! طارق بدأ يكلمني من أرقام جديدة.. في الأول بنبرة حنينة نادية يا حبيبتي، أظن حصل سوء فهم مش أكتر. بعدها بليلة أنا لازم أعرف الفلوس راحت فين؟ بعدها الفلوس دي كانت في حساب مشترك، ينفعش تسحبيها من غير ما ترجعيلي! بعدها المحامي بتاعي بيقول إن اللي عملتيه ده وضعك القانوني فيه وحش!
ضحكت من قلبي.. وبعتت الرسايل دي كلها لأستاذة أمل. ردت عليا خليه يكتب أكتر.. كل كلمة بحساب. طارق كمل بغباء، وفي اليوم الرابع بدأ ينقل على الزعيق والټهديد أنتي مش ممكن تهدبي جوازة ٨ سنين عشان ٩٠ ألف جنيه! مردتش. أمي بتقول إنك عاملتيها بقلة أدب! سكوت. أنتي كبرتي خلاص، اتصرفي بعقل شويه!
سكوت. أنا نازل مصر فوراً وهنحل الزفت ده وش لوش! الرسالة دي بالذات اهتميت بيها وبعتها فوراً للمحامية تفتكري هينزل؟ لو خاېف على الورق والفايل.. هينزل على ملا وشه. تمام.. خليه ينزل! في ده، ياسمين كلمتني تاني. طارق كان متوتر جداً وطالع دينه، وبدأ يضغط عليها عشان يكتبوا الكتاب بسرعة ويأجروا شقة باسمها ويكتب عقود الشغل والشركة باسمها هي! ياسمين بدأت تفهم إنها مش حبيبته الجديدة.. دي كانت الضحېة الجديدة اللي هيستغلها!
قلتلها كلمة كنت أتمنى حد يقولهالي من زمان متعمليش حاجة لمجرد إنك خاېفة تخسريه.. اللي يحبك ما يخليكيش تخافي. بعدها بيومين.. ياسمين سابته! طارق اټجنن، بعتلها أكتر من ٤٠ رسالة في ساعة، في واحدة منهم كتب أنتي ډمرتي كل حاجة! ياسمين بعتتلي الإسكرين، وأنا بعته لأمل.. مكنتش عارفة الغباء عنده بيقف فين والغرور بيبدأ منين! بس المفاجأة الأكبر جاتلي بعد أسبوع.. الباب خبط.. مكنش طارق، دي كانت رشا أخت طارق!
مفتحتلهاش الباب، كلمتها من الانتركم عايزة إيه يا رشا؟ نادية افتحي أرجوكي، لازم أتكلم معاكي! اكتبي في رسالة. مش ينفع يتكتب في رسايل! طالما مش ينفع يتكتب يبقى مش عايزة أسمعه. نادية أرجوكي! طارق بيلبس ماما كل حاجة، وبيقول إن فكرة تحويل الفلوس كانت فكرتها هي! قلت ببرود وعايزة إيه يعني؟ الحقيقة مش كده! أومال كانت إيه؟ سكتت شوية وقالت خليني أطلع وأنا هحكيلك كل حاجة.. ومعايا إثباتات!
كلمت المحامية، وبعد ٢٠ دقيقة كنا قاعدين مع رشا في كافيه قريب. رشا كانت لابسة نظارة شمس مغطية نص وشها وشكلها خاېفة مړعوپة أنا عايزة ضمان إن نادية مش هترفع عليا قضايا. أستاذة أمل رفعت حاجبها إحنا مش في مسلسل يابنتي.. قولي اللي عندك والأستاذة نادية هي اللي تقرر. رشا بلعت ريقها وبصتلي أنا كنت عارفة حاجات.. بس طارق كان بيقول إنك أنتي اللي عايزة تساعدينا.
أنا ساعدتك بفلوسي فعلاً يا رشا لما طلبتي، بس ده غير اللي خططتوا له ورا ضهري! طلعت موبايلها فيه جروب عيلة تاني غير اللي أنتي كنتي فيه.. اسمه مشروع الشمال. جالي غثيان من الاسم! فتحت الرسايل.. مدــ,,ـــــادثات بقالها سنين! طارق بيتكلم عن التقديم على شغل برة، شريف بيدور على الثغرات القانونية، الحاجة سعاد بتسأل هنقدر نقتطع قد إيه من غير ما نادية تحس وتضايق؟
Donia Ashraf موثّق ✦ ناشر
كاتب
كاتب إخباري وقاصّ وروائي — أشارككم أهم الأخبار وأمتع القصص والروايات.
أكتب بشغف ما يستحق القراءة — تابعوني ليصلكم كل جديد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.