. وطلع.. جواب.. جواب أنا كتباه.. بخط ايدي وأنا عندي 22 سنة.. وكنت اديتهوله قبل ما أسيبه بيوم مكتوب فيه.. لو بتحبني بجد.. استناني.. حتى لو اتجوزت.. استناني في نفس القهوة.. وغنيلي نفس الأغنية.. وأنا هوعدك.. اني في يوم.. هرجع أسمعها للآخر هو كان محتفظ بالجواب.. 40 سنة.. في جيب الجاكتة بتاعته.. الجواب دايب.. ومتقطع من كتر ما اتفتح واتقفل قال.. أنا نفذت وعدي.. انتي اللي اتأخرتي 40 سنة قلت.. أنا آسفة قال.
. متتأسفيش.. انتي جيتي.. وده كفاية من ساعتها.. بقى يجي كل يوم العصر.. يقعد في البلكونة.. يلعب مع حفيدي.. يعلمه جيتار.. وحفيدي بقى يقول.. أنا عندي اتنين جدو.. واحد في السما.. وواحد بيلعب جيتار وبنتي وجوزها.. كانوا مبسوطين.. جوزها قال.. أنا كنت خاېف تفتكري اننا بنلعب في ماضيكي.. بس طلع الماضي ده.. كان محتاج حد يلعب فيه.. عشان يتنضف من التراب وفي يوم.. حفيدي دخل الجراج لوحده.
. وفتح الحوض بتاع التحميض.. وطلع صورة.. صورة مكناش شفناها.. صورة ليا أنا وهو.. وأنا حامل.. في بنتي أنا كنت حامل في بنتي.. وكنت رايحة أقوله.. اني حامل.. واني هسميها على اسم الأغنية اللي كان بيغنيها.. بس أهلي عرفوا.. وحبسوني في البيت.. ومنعوني أشوفه الصورة دي.. هو اللي صورها.. من بعيد.. من ورا سور بيتنا.. وأنا واقفة في البلكونة وبطني كبيرة.. وهو واقف تحت.
. بيبصلي.. وبيعيط لما وريت الصورة لبنتي.. بنتي اټصدمت.. وقالت.. يعني انتي كنتي حامل فيا.. وكنتي عايزة تسميني على اسم أغنيته؟ قلت.. أيوه.. كنت عايزة أسميكي.. نجمة.. عشان كان بيقولي يا نجمتي بنتي عيطت.. وقالت.. وأنا طول عمري مستغربة.. ليه بابا كان بيندهلي يا نجمة.. وهو اسمي مش نجمة.. دلوقتي فهمت.. هو كان عارف.. وكان بيندهلي بالاسم اللي انتي كنتي عايزة تسميهولي.. عشان يراضيكي من غير ما يقول جوز بنتي لما سمع الكلام ده..
قام حضڼ بنتي.. وقال.. أبوكي ده كان راجل عظيم أوي.. عظيم انه حب واحدة.. وهي لسه بتحب حد تاني.. وربى بنتها.. وسماها بالاسم اللي هي كانت عايزة تسميه.. على اسم حبها القديم بعدها بكام يوم.. الراجل العجوز.. صاحب الجيتار.. تعب.. جاله برد جامد.. ودخل المستشفى رحتله.. أنا وبنتي وحفيدي.. كان نايم.. وتعبان.. وحاطط الجيتار جنبه على السر,,ـــــير.
. حتى في المستشفى أول ما شافني.. قال.. جيتتي؟ قلت.. أيوه.. جيت قال.. خاېف أمــ,,ـــــوت قبل ما أخلص الأغنية قلت.. هتخلصها.. وهتغنيها في فرح حفيدك.. لما يكبر حفيدي قرب.. وقال.. يا جدو.. أنا حفظت الأغنية.. عايز أغنيها معاك؟ قال.. غني يا حبيبي حفيدي ابتدى يغني بصوته الصغير.. يا حبيبتي يا أم الضفاير.. والراجل العجوز بيغني معاه.. بصوت واطي.. والناس في الأوضة.. الممرضات.. والدكاترة.. كلهم وقفوا يسمعوا الدكتورة قالت لبنتي.. مين ده؟.. ده شكله تعبان أوي.
. بس صوته.. صوته لسه شاب بنتي قالت.. ده.. ده حب ماما الأول.. اللي استناها 40 سنة الدكتورة سكتت.. وبعدين قالت.. أنا أول مرة أشوف حب بيستنى 40 سنة من غير ما يزهق بعد 3 أيام.. خرج من المستشفى.. وبقى كويس.. وأول حاجة عملها.. انه راح القهوة.. وغنى.. وغنى.. كأنه بيحتفل انه لسه عايش وفي يوم.. واحنا قاعدين في الجراج.. بنحمض باقي الفيلم.. لقينا آخر صورة في الفيلم.
Donia Ashraf موثّق ✦ ناشر
كاتب
كاتب إخباري وقاصّ وروائي — أشارككم أهم الأخبار وأمتع القصص والروايات.
أكتب بشغف ما يستحق القراءة — تابعوني ليصلكم كل جديد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.