الشنطة كانت جمبي، فتحتها وطلعت أوراق العقد الممسوحة اللي أخدتها من الشهر العقاري. بدأت أقرا كل كلمة، كل بند، كل توقيع. اسم رانيا.. اسم الشاهد الثاني.. اسم الشركة: (الشركة المصرية للتطوير والعقارات). وفجأة.. عيني وقعت على السجل التجاري المرفق في ظهر العقد. رقم السجل: 104582. تاريخ التأسيس: يناير 2022. اسم المالك الأساسي: رانيا محمود عبد السلام.
واسم المدير المسئول اللي ليه حق التوقيع والتعامل مع البنوك: سامح الشريف عبد الفتاح. ما كانش مجرد شاهد أو ضامن.. سامح كان المدير التنفيذي للشركة! هو الشريك المستتر والرأس المدبر لكل حاجة! لكن المفاجأة الأكبر ما كانتش هنا.. في آخر ورقة من الملف، كان فيه صورة من كشف حساب بنكي أترفق في ملف الضمانات.. كشف حساب جاري باسمي أنا، عليه حركة سحب وإيداع بمبالغ ضخمة طوال سنة 2021!
حساب في بنك أنا عمري ما دخلته ولا فتحت فيه حساب في حياتي! مسكت الموبايل وإيدي بتترعش، وجبت رقم المحامي الخاص بوالدي الله يرحمه، الأستاذ حسام. رنيت عليه، ولما رد، كان صوته دافي ومشفق: — أهلاً يا ندى يا بنتي.. خير؟ — أستاذ حسام.. أنا في مصيبة.. ومحتاجة حضرتك فورًا. شرحتله اللي حصل في الشهر العقاري باختصار، وعن العقد ورانيا والبصمة.
الأستاذ حسام سكت فترة طويلة، وسكوت المحامين ده دايماً بيبقى معناه إن الموضوع أكبر من مشكلة عادية. — ندى.. اسمعيني كويس. اللي بتقوليه ده مش مجرد تزوير قرض.. ده تشكيل عصابي وتبييض أموال لو الحساب اللي باسمك ده حقيقي وفيه الحركات دي. سامح مش بيحمي نفسه منك، سامح خايف من حاجة أكبر بكثير. — حظر التصرف يا أستاذ حسام.. الشقة الجديدة والقديمة؟ — حظر التصرف ده إجراء تحفظي مؤقت صدـ,,ـــر بناءً على أمر قضائي من البنك.
. لكن المصيبة إن البصمة لو اتفحصت وأثبتت إنها بصمتك بالفعل زي ما هو بيدعي، الطعن بالتزوير هيتقلب ضدك قضية بلاغ كاذب! — يعني إيه؟ يعني أستسلم له وأسحب الطعن زي ما قال؟ — إياكي! لو سحبتِ الطعن تبقى أقرّيتي بصحة العقد والمديونية، وكده البنك هيحجز على كل أملك فورًا، وغير كده هتكوني شريكة رسمية في الديون والأحكام الصادرة!
— أومال أعمل إيه؟ — بكرة الصبح بدري، هتقابليني قدام مجمع المحاكم.. قبل ما يروح هو الشهر العقاري أو يعمل أي حركة. فيه نقطة ضعف في الكلام اللي قالهولك.. ونقطة الضعف دي هي “المستشفى”. — المستشفى؟ — أيوه. هو فاكر إن البصمة طالما حقيقية يبقى خلاص حسم القضية. لكن القانون مش بس بصمة وتوقيع.. القانون فيه حاجة اسمها “انتفاء الإرادة”.
لو أثبتنا بالتقارير الطبية ودفاتر المستشفى إنك يوم 14 مارس 2022 كنتِ تحت تأثير المخدر أو تعبانة في غرفة العمليات في نفس ساعة توقيع العقد.. يبقى حتى لو البصمة بصمتك، العقد باطل بطلان مطلق لانعدام الإرادة، وسامح هيتحول من مدعي إلى متهم بتهمة استغلال ظروف مريض وتزوير محررات رسمية! أول ما الأستاذ حسام قال الجملة دي، حسيت بنور بسيط بيطلع من وسط الضلمة.
— لكن يا أستاذ حسام.. المستشفى دي مستشفى خاص، وسامح كان يعرف أطباء فيها.. ممكن يكون غير في الدفاتر أو شال التقرير! — عشان كده مش هنستنى لبكرة الضحي. هنتــ,,ـــــحرك فورًا نطلب إثبات حالة وتحفظ على دفاتر المستشفى الليلة دي عن طريق النيابة قبل ما يعرف إننا بنتــ,,ـــــحرك في الاتجاه ده! قفلت مع الأستاذ حسام، وقمت بسرعة لبيت أختي عشان أبيت عندها وأبعد أوراقي بعيد عن سامح.
Donia Ashraf موثّق ✦ ناشر
كاتب
كاتب إخباري وقاصّ وروائي — أشارككم أهم الأخبار وأمتع القصص والروايات.
أكتب بشغف ما يستحق القراءة — تابعوني ليصلكم كل جديد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.