— يا ندى افهمي! أنا ما كنتش ناوي أضرك! القرض كان مفروض يتسدد في سنة واحدة! رانيا هي اللي هربت بالفلوس! هي اللي لبستني ولبستك.. الفلوس اتصرفت لحساب الشركة وهي خذت الأرباح واختفت من سنة، وأنا من ساعتها بحاول أوصلها أو ألم الموضوع من غير ما أسببلالك أي مشاكل! — ما تسببيليش مشاكل؟! إنت بوظت حياتي!
عليا حظر تصرف! شقتي الجديدة اللي بننقلها مهددة، والبنك هينزل يحجز على كل حاجة باسمي بسببك! إنت مش بس خنتني.. إنت زوّرت توقيعي وبصمتي! وفجأة.. الموبايل في إيده رن تاني. بصيت للشاشة اللي أضاءت، والاسم ظهر صريح: رانيا تسويق. الست اللي كان لسه بيقول إنه بيحاول يوصلها وإنها هربت بالفلوس وخدعتهم.. كانت بتتصل بيه في نفس اللحظة!
انقبــ,,ـــــض قلبي، وبصيت لسامح بصدمة أشد من الأولى. سحب الموبايل لورا بسرعة ومسح الاسم. — دي اللي هربت واختفت؟ دي اللي ما تعرفش عنها حاجة ومن سنة بتدور عليها؟! إنت لسه على تواصل معاها يا سامح! إنت بتكذب عليا لحد دلوقتي! هز راسه بنفي ارتباكي: — لأ.. دي.. دي مش هي.. دي واحدة تانية بتشتغل معاها!
— هات التليفون ده! هجمت عليه عشان أشد التليفون من إيده، لكنه زقني بحدة وخلاّني أرجع لورا وأتخبط في ضلفة الدولاب. مسك التليفون وحطه في جيبه، ونظرة عينيه اتغيرت تمامًا.. ما بقتش نظرة الزوج الخايف، بقت نظرة الشخص المهدد اللي بيحارب عشان يخرج منها. — لحد هنا وكفاية يا ندى! إنتِ فاكرة إن الطعن ده هيحميكي؟
لو التحقيق فتح، أنا مش لوحدي اللي هروح في داهية.. إنتِ كمان هتتدبسي في س و ج ومحاكم وهتتفضحي قدام أهلك والناس! الطعن ده لازم يتسحب بكرة الصبح! — مش هسحبه! لو فيها سجــ,,ـــــني أنا مش هسيبه يضيعني بسبب قذارتك! أنا هفضحك وهياخدوا البصمة ويتأكدوا إنها مش بصمتي! ابتسم ابتسامة باهتة ومسمومة وهو بيبصلي ببرود: — هيتأكدوا إزاي؟
إنتِ فاكرة البصمة دي اتسحبت وإنتِ تعبانة بس؟ إنتِ نسيتي الأوراق اللي كنتِ بتبصمي عليها للعملية وللمستشفى ولإجراءات التأمين؟ أنا أخدت البصمة الحقيقية من إيدك وبطريقة ما تخليش حد يشك بسهولة.. البصمة بصمتك يا ندى! الحبر حبر إيدك! حتى لو خبير أثبت إنها فيها إزاحة، القاضي هيشوفها بصمتك الحية.. هتقولي إيه للنيابة؟ جوزي خد بصمتي وأنا في المستشفى؟
مين هيصدق إنك ما كنتيش موافقة وزعلانة دلوقتي لأن القرض تعثر؟! الكلمات نزلت عليا زي المية الساقعة. كان مرتب كل حاجة. كان حاسب حساب اليوم ده من سنتين! الشيطان اللي كنت عايشة معاه تحت سقف واحد لسبع سنين، كان بيبني قبــ,,ـــــري القانوني خطوة بخطوة وهو بيبتسم في وشي. وقف ببرود، تعدّل ياقة قميصه، وقال بصوت واطي ومحسوب: — بكرة الصبح هتروحي الشهر العقاري، وهتسحبي الطعن، وهتقولي إنك افتكرتي وإن الموضوع كان بموافقتك.
. وأنا هتكفل إني أسدد للبنك جزء من المبلغ وأعمل إعادة جدولة. لو عملتي غير كده.. مش بس شقتك هتروح، أنا هسيب الورق كله يلّبسِك القضية لوحدك، ورانيا عندها مستندات تثبت إن الفلوس دخلت في حسابات تخص أوراق باسمك إنتِ كمان! — إنت بتفبركلي قضايا؟ — أنا بظبط موقفي يا ندى.. والذكية هي اللي تحافظ على بيتها ونفسها. ساب الأوضة وخرج، وسمعت صوت باب الشقة بيتقفل بقوة.
قعدت على الأرض، الدموع جفت في عيني وتحولت لنــ,,ـــــار. الشنطة كانت جمبي، فتحتها وطلعت أوراق العقد الممسوحة اللي أخدتها من الشهر العقاري. بدأت أقرا كل كلمة، كل بند، كل توقيع. اسم رانيا.. اسم الشاهد الثاني.. اسم الشركة: (الشركة المصرية للتطوير والعقارات). وفجأة.. عيني وقعت على السجل التجاري المرفق في ظهر العقد. رقم السجل: 104582. تاريخ التأسيس: يناير 2022. اسم المالك الأساسي: رانيا محمود عبد السلام.
Donia Ashraf موثّق ✦ ناشر
كاتب
كاتب إخباري وقاصّ وروائي — أشارككم أهم الأخبار وأمتع القصص والروايات.
أكتب بشغف ما يستحق القراءة — تابعوني ليصلكم كل جديد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.