ياسمين رجعت بيت أبوها مكسورة، محنية الضهر، الشارع كله عرف حكايتها وفضيحتها، وبقت سيرتها على كل لسان بعد ما كانت بتتباهى بأصلها وعيلتها. أما طارق، فرفع قضية ضم لحضانة أولاده، وبما إن الأم عليها أحكام وقضايا مخلة بالشرف والأمانة، المحكمة حكمت بإن الحضانة تروح للجدة للأب.. يعني أمي! وفي يوم جمعة مبارك، بعد شهرين من كل اللي حصل، البيت كان منور ومملي دفا. ريحة البخور كانت مالية الشقة، وصوت القرآن شغال في الراديو.
فريدة ويوسف الصغيرين كانوا بيجروا في الصالة ويضحكوا، يوسف ماسك العجلة الجديدة اللي أبوه كان جايبهاله، وفريدة لابسة حلق دهب جديد طارق اشتراهولها ولبسهولها في ودنها بإيده، وقالها ده من خير أبوكي يا حبيبة أبوكي، ومحدش في الدنيا يقدر يمد إيده عليه تاني. أنا كنت في المطبخ بعمل صينية كيكة بالشوكولاتة كبيرة، وطلعت بيها على الصالة وحطيتها على التربيزة قدام أمي وطارق والولاد.
أمي بصت للكيكة وبصت لعيال ابنها وهما فرحانين وبيسقفوا، ضحكت من كل قلبها ووشها كان منور رضا ونور تسلم إيدك يا منى يا بنتي.. شوفي يا سبحان الله، الكيكة البيتية اللي معمولة بحب ورضا وبركة، أحسن وأطعم من مية تورتة معمولة بالغدر والسرقة والكبرياء. طارق قطع أول خرطة، وحطها في طبق، وراح باس راس أمي وقدمهالها بإيده كلي يا أمي واتهني.
. البيت ده بيتك، وعيال طارق هما عيالك، ومفيش لقمة هتدخل البيت ده من هنا ورايح إلا وإنتي راضية عنها ومباركاها.. إنتي الخير والبركة، ومن غير رضاكي ملناش في الدنيا دي عازة. أمي أكلت اللقمة ودعت لأولادها، والصالة اتملت بضحكات الولاد ولمة العيلة الصافية اللي مفيهاش غل ولا نفاق. ساعتها بس اتأكدت إن ربنا لما بيقفل باب مسموم في وش البني آدم، بيكون بيحميه، وبيفتحله بداله أبواب من راحة البال والسكــ,,ـــــينة اللي متتقدرش بمال الدنيا.
. وإن الحق، مهما طال عليه ليل الظلــ,,ـــــم والافتراء، لازم يشرق بنوره ويفضح العتمة، ويخلي كيد الخاينين في نحورهم، ويفضل بيت الأصول عامر برضا الوالدين واللقمة الحلال. النهاية حكايات مني السيد حصري
Donia Ashraf موثّق ✦ ناشر
كاتب
كاتب إخباري وقاصّ وروائي — أشارككم أهم الأخبار وأمتع القصص والروايات.
أكتب بشغف ما يستحق القراءة — تابعوني ليصلكم كل جديد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.