جوزي قال إنه مسافر تلات أيام الجزء الرابع السكوت اللي ساد في الصالة كان أثقل من المــ,,ـــــوت. نهى سابت الصينية على التربيزة بإيدين بترتعش، والمعالق عملت صوت رنة عالية شقت الهدوء المرعب ده. عفاف اتراجعت خطوة لورا، دراعاتها اتيبست على الشنطة وحــ,,ـــــضنتها كأنها بتحمي روحها، ووشها اتحول من الصدمة لغضب مفترس، بس كان وراه خوف مستخبي معرفتش تداريه. — إنتي اتجننتي يا مريم؟
— عفاف نطقت بصوت بيحاول يطلع قوي لكن نبرته كانت مهزوزة — ولد إيه وفلوس إيه؟ إنتي جاية تهلوسي في بيتي بعد ما طفشتي ابني وسافرتيه لإسكندرية؟! اطلعي برة بيتي فوراً قبل ما اتصل بيه وأخليه يرمي عليكي يمين الطلاق الليلة دي! ابتسمت بسحرية وقعدت على الكنبة المدهبة بتاعتها، وحطيت رجل على رجل بكل هدوء. طلعت تليفوني وحطيته قدامي على الطربيزة. — يمين طلاق؟ هو طارق لسه حيلته يمين يا عفاف هانم؟
طب ما تتصلي بيه كدة، خليه يرجع من المؤتمر اللي في إسكندرية، ولا تحبي أكلمه أنا وأقوله إن الدكتور أحمد صاحب المستشفى بعتلي سلامه ومعاه صورة إخطار الولادة وصورة بطاقته الشخصية اللي محطوطة في ملف الحضانة؟ نهى شهقت وحطت إيدها على بؤها وعينيها راحت لأمها برعب: — يا ماما... دي عارفة كل حاجة!
قولتلك من الأول بلاش، قولتلك دي شقة مريم وأبوها كان محامي تقيل وممكن يودونا في داهية! — اخرسي إنتي يا غبية! — صرخت عفاف في وش بنتها بعصبية هستيرية، وبعدين لفتلي وعينيها بتطق شرار — أه يا مريم! طارق ابني، ومن حقه يشيل اسم، ومن حقه يبقى له واد يعوضه عن سنين الجدب والفقر اللي عاشهم معاكي! بقالك تلتاشر سنة كتماه وكسراه بشقة أبوكي اللي معيرانا بيها، ولما ربنا أراد يديله الولد، عاملالي فيها ملاك بجناحات؟
! طارق مش بـ،،خـ،ـيـ،ـو،،نـ،ـك في الحرام، طارق ستر على واحدة غلبانة والولد ده هيبقى ابنه شرعاً وقانوناً، غصب عن عين أي حد! وقفت بهدوء وقربت منها لحد ما المسافة بيني وبينها مبقتش تكمل شبر، وقولت بصوت واطي وحارق: — ستر عليها؟! بستين ألف ولا بمية ألف من فلوس شقى عمري؟ بتسرقوا وديعتي المشتركة معاه، وتبيعوا شقة بنتي بتوكيل قديم، وتزوروا نسب طفل مش ابنه وتدفعوا تمنه كأنه كيس رز في سوبر ماركت، وبتقوليلي ستر؟
! دي اسمها اتـ،،جـ،،ار في البـ،،شـ،ـر يا حماتي، وجـ،،نـ،ـايـ،ـه تزوير في محررات رسمية، وعقوبتها هتشوفوها في سـ،،جـ،ـن القناطر ورا القضبان، إنتي وطارق وست نهى اللي نزل في حسابها ميتين ألف تمن سكوتها واشتراكها في الجـ،،ر،،يـ،ـمـ،ـه! عفاف وشها شحب تماماً وبانت علامات الكبر والعجز فجأة، مسكت في ضهر الكرسي عشان متقعش وقالت بتوسل مفضوح: — مريم... يا بنتي اسمعيني.
.. نهى ملهاش ذنب، دي بت لسه صغيرة وعايزة تتجوز وتجهز نفسها... وطارق بيحبك، والله بيحبك ومكنش عايز يكسر قلبك، الفكرة كانت فكرتي أنا عشان عيلتنا متتقطعش من الدنيا! قولي اللي إنتي عايزاه، خدي الستمية ألف كاملين وأنا هتنازل عن كل مليم، بس بلاش طارق... بلاش ابني يتحبس ويضيع مستقبله، طارق لو اتـ،،فـ،ـضـ،ـح شركته هتطرده وهيقضي عمره في السـ،،جـ،ـن! — الكلام ده كان ينفع امبارح يا عفاف هانم، قبل ما تبيعي بيتي وتهدري حق فريدة.
لفيت ضهري ومشيت ناحية الباب، ونهى جرت ورايا ومسكت في كم عبايتي وهي بتعيط: — والنبي يا مريم، استهدي بالله ومتبلغيش، إحنا مستعدين نرجع كل حاجة زي ما كانت، حتى الواد مش هنستلمه من المستشفى، هنلغي كل حاجة والله! شدّيت كم عبايتي من إيدها بقوة وبصيتلها باحتقار: — الواد اللي بتتكلموا عنه كأنه بضاعة ده، مش هترموه ولا هتشتروه. وكل واحد فيكم هيحاسب على المشاريب اللي طلبها من سنين.
نزلت وركبت مع أستاذ وحيد اللي كان مستنيني تحت في العربية ومعاه كل التسجيلات اللي أنا كنت مسجلاها على الموبايل من أول دقيقة دخلت فيها الشقة، التليفون كان مفتوح تسجيل صوت وفيديو مخفي. — تمام يا مريم؟ — أستاذ وحيد سألني وهو بيعدل نضارته. — تمام يا متر، اعترفوا بكل حاجة... الفلوس، والولد، والتوكيل، ودور كل واحد فيهم.
Donia Ashraf موثّق ✦ ناشر
كاتب
كاتب إخباري وقاصّ وروائي — أشارككم أهم الأخبار وأمتع القصص والروايات.
أكتب بشغف ما يستحق القراءة — تابعوني ليصلكم كل جديد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.