ريهام حاولت ترد لكنه مقاطعهاش وقال اسمعي بقى يا ريهام أنا ومراتي وعيالي مش هنحضر فرحك ولا هنقف على باب حد عشان يسمح لنا ندخل بيته وإنتي من النهارده تعرفي إن كرامة مراتي من كرامتي وقفل التليفون في وشها قربت منه ومسكت إيده وقلتله أنا مش عاوزة أخسرك أهلك يا محمود ومش عاوزة أكون سبب في قطيعة بينكم بصلي وقال إنتي مش السبب يا نجلاء واللي يهينك يبقى هو اللي اختار يبعد عننا عدى يومين والبيت هادي بشكل غريب ومحمود لسه مش قادر يتحرك كويس وأنا بحاول أوفر مصاريف البيت والعلاج من أي فلوس موجودة معايا وفجأة تليفوني رن وكان المتصل خالي الحاج عبد الرحمن اللي عايش بره مصر وعنده شركة كبيرة للتوريدات رديت عليه وقلتله أيوه يا خالي لكن صوته جه مختلف عن كل مرة وقاللي إنتي مخبية عليا إيه يا نجلاء؟
أنا عرفت اللي حصل معاكي ومع جوزك وعرفت أخت جوزك قالتلك إيه حاولت أغير الموضوع لكنه أصر إني أحكيله كل حاجة ولما خلصت كلامي سكت شوية وبعدها قاللي اسمعيني كويس يا بنت أختي إنتي وجوزك مش هتفضلوا في الضيقة دي كتير وأنا عندي ليكم مفاجأة محدش في العيلة كلها يتوقعها قلتله بقلق مفاجأة إيه يا خالي؟
ضحك وقال أنا نازل مصر بكرة ومعايا قرار لو اتنفذ زي ما أنا مخطط له حياة محمود وحياتك هيتغيروا تمامًا لكن أوعي تقولي لحد كلمة واحدة لحد ما أوصل قفلت معاه وأنا مش فاهمة إيه اللي بيخطط له لكن اللي مكنتش أعرفه إن خالي كان مجهز مفاجأة أكبر بكتير من مجرد شغل أو فلوس وفي نفس الليلة حماتي اتصلت بيا وقالتلي بصوت متوتر يا نجلاء إنتي تعرفي إن خالك عبد الرحمن نازل مصر بكرة؟
وقبل ما أرد عليها سمعتها بتقول جملة خلت قلبي يقف من مكانه #الكاتب_رومانى_مكرم_ إنتي لازم تمنعيه من إنه يقابل محمود قبل ما يعرف الحقيقة اللي إحنا مخبيينها عنكم من سنين وقتها حسيت إن موضوع فرح ريهام مش هو المصيبة الوحيدة اللي مستخبية في العيلة دي يا ترى إيه الحقيقة اللي حماتي مخبياها عني وعن جوزي من سنين؟ وإيه علاقة خالي عبد الرحمن بالموضوع؟
وليه حماتي اتخضت أول ما عرفت إنه نازل مصر؟ الجزء الثاني قعدت باصة للتليفون وصوتي مخنوق ومش قادرة أنطق بحرف واحد بعد الجملة اللي رمتها حماتي في ودني.. حسيت إن الأوضة بتلف بيا، والكلمات بتردد في دماغي زي الصاعقة: “الحقيقة اللي إحنا مخبيينها عنكم من سنين!” حماتي كملت كلامها بصوت مكسور ومنهار وفيه نبرة خوف واضحة بتقول بسرعة: يا نجلاء أبوس إيدك اسمعيني..
خالك عبد الرحمن لو جه وقابل محمود واتكلم معاه في الموضوع القديم ده، البيت هيخرب، ومحمود مش هيسامحني أبدًا، ولا ريهام هتعرف ترفع راسها في الفرح.. بالله عليكي تصرفي، كلمي خالك واختلقي أي عذر خليه ميروحش لمحمود أول ما ينزل، أو تعالي قابليني إنتي الأول نتفاهم! بلعت ريقي بصعوبة وقاطعتها بعصبية وقسوة أول مرة تطلع مني: نتفاهم على إيه يا طنط؟
! هو إنتو لسه سيبتوا فيها تفاهم؟! بنتك كسرت قلبي وكرامتي أنا وعيالي، ومش بس كده، هانت جوزي وهو طريح الفراش وبتعايره برجله المكسورة.. ودلوقتي جاية تترجيني عشان تداري على مصيبة تانية؟! أنا مالي ومال أسراركم؟! محمود جوزي لازم يعرف كل كلمة خالي عبد الرحمن جاي يقولها، وأنا عمري ما هخبي عنه حاجة تاني! قفلت السكة في وشها من غير ما أستنى تسمع ردي، وقلبي بيدق بجنون.
Donia Ashraf موثّق ✦ ناشر
كاتب
كاتب إخباري وقاصّ وروائي — أشارككم أهم الأخبار وأمتع القصص والروايات.
أكتب بشغف ما يستحق القراءة — تابعوني ليصلكم كل جديد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.