القصة كاملة انا حربي عندي 34 سنة ..عازب مليش حد ابويا وامي ماتوا من زمان وعمي اللي رباني بس مراته كانت قاسېة عليا من صغري انا وأختي كان لينا ورث عند خالي فؤاد ..بس للأسف كل حقي وحق أختي وقال أن امي كتبت له حقها في ورث ابوها بيع وشړا وصرفته على علاج ابويا العيان انا طبعا مصدقتش الكلام دا ..
لاني فاكر كويس اوي قبل ما ټموت امي بشهرين خدتني معاها عند أخوها فؤاد وطلبت يديها ورثتها ..وقالت له انها ھتموت والعيال ملهمش حد في الدنيا غيرك انت وعمهم وعمهم ظروفه على أده ..وليهم حق عندك ورثي من ابويا زعق فيها وقالها انتي ملكيش حاجه عندي وبعدها طردنا زي الكلاب واللي وجعني اكتر ان كل دا حصل قدام ياسمين بنته .
.واللي كنت بحبها اوي وهي كمان كانت بتتبادلني نفس الشعور عكس أخوها كريم اللي كان مش بيطيق يشوفني حسيت اني أنكسرت قدامها وكنت ھموت وأنا بشوف نظرة الذل في عيون أمي وهي مريضة وجوزها مېت ومش عارفه تجيب حقها وحق ولادها من اخوها الظالم ماټت امي بحصرتها وطلعت أنا من الاعدادي عشان اشتغل واساعد مع عمي في المصاريف فضلت اشتغل وقدرت أجهز اختي ..وجوزتها في البلد عندنا ..
ونزلت على مصر من عشر سنين العيشة هنا صعبة أوي ..عكس عيشة الأرياف اشتغلت في كذا شغلانه ..وفضلت اتنقل من هنا لهنا والدنيا ملطشه معايا ع الاخر من كام سنه كنت اشتغلت في مصنع نسيج واتعرفت على حسان ..واد مجدع وصاحب صاحبه ظروفه نفس ظروفي عايش لوحده في أوضة ع السطوح ليا فترة الامور معايا ملخبطه ..
سبت التاكسي اللي كنت راكب عليه وعاطل والحالة معايا من تحت الصفر عندي صديق ليا في قريتنا اسمها هاني المنشاوي كلمني من شوية وقالي خالك فؤاد تعبان جدا على فراش المۏت فكرت أني لو روحتله واتكلمت معاه من تاني وطلبت منه ورثتي ..يمكن قلبه يحن ويرجع لي حقي ..عشان يقابل رب كريم وهو مرتاح ومش واكل حق ولاد أخته كلمت حسان وقولتله بكره الصبح رايح البلد ازور خالي وهو بېموت واطلب منه حقي لاخر مرة .
.يمكن يوافق ويرجعهولي ..وطلبت منه 500 جنيه سلف لحد ما الدنيا تمشي قالي انا كمان عايز ازور بلدكم..اهو اكون معاك وكمات أغير جو وأرتاح من ضغط الشغل نمت ليلتها عنده وتاني يوم كان حسان راح شغله وقدم على أجازة 3 أيام وبعد الضهر رجع واخدنا ميكروباص وسافرنا على الغربية وصلنا القرية بعد العصر ..
روحت على بيت هاني صاحبي أسلم عليه رحب بينا جدا وقالي يااه أكتر من عشر سنين ياراجل مشوفناش بعض فيهم أعمل ايه بقى ..اهو أكل العيش كان نفسي أجي البلد ..بس بعد ما أختي اتجوزت وسافرت ع الخليج مع جوزها وأنا حسيت اني رجلي اتقطعت ومبقليش حد عيب تقول كدا ..
Donia Ashraf موثّق ✦ ناشر
كاتب
كاتب إخباري وقاصّ وروائي — أشارككم أهم الأخبار وأمتع القصص والروايات.
أكتب بشغف ما يستحق القراءة — تابعوني ليصلكم كل جديد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.