. شكرا بس انا مكنتش خلصت الجزء التالت من الخطة.. كان اهم جزء بعد ما مشيوا.. شيلت المفرش الشفاف.. وشيلت الجردل.. ونضفت البلكونة كويس اوي.. وجبت زرع جديد.. وحطيت فرش جديد للمخدة.. وفوطة بيضا جديدة وبعدين جبت لوحة خشب صغيرة.. وكتبت عليها بخط حلو البلكونة دي متراقبة بكاميرا.. عشان نحافظ على نضافة العمارة.. شكرا لتعاونكم وعلقتها على سور البلكونة من برا.
. باينة من فوق.. من عنده هو ومن ساعتها.. اقسم بالله.. ولا كيس شاي نزل تاني عدى اسبوع.. اسبوعين.. شهر.. مفيش وبعد شهرين.. لقيت حد بيخبط على بابي.. فتحت.. لقيته هو.. ماسك علبة شاي جديدة.. متبرشمة قال.. انا.. انا جاي اعتذر.. بجد.. انا كنت بتصرف بقلة ذوق.. وانت اتصرفتي باحترام.. وانا مكنتش متخيل انك بتعديهم.. 40 كيس.. انا اتكسفت من نفسي لما شفتهم قلتله.
. حصل خير قال.. العلبة دي ليكي.. ومش هرمي حاجة تاني من فوق.. ولو احتاجتي اي حاجة من فوق.. قوليلي خدت العلبة.. وقلتله.. شكرا.. بس بعد كده ابقى ارميهم في الژبالة.. الشاي لما بيترمي في الژبالة.. مش بيبقع حد ضحك.. ضحكة مكسوفة بجد المرة دي.. وقال.. عندك حق ومشي والعلبة لسه عندي لحد دلوقتي.. في المطبخ.. كل ما اعمل كوباية شاي.. بفتكر.. ان في ناس فاكرة انها لما ترمي زبالتها على غيرها.
. هي كده كسبت.. بس الحقيقة.. الژبالة بترجعلهم.. في جردل ابيض.. مكتوب عليه.. 40 كيس.. وبتفضل ريحتها ماسكة فيهم.. لحد ما يتعلموا يرموها في مكانها الصح وانا بلكونتي من ساعتها.. نضيفة.. زي الفل.. والفوطة البيضا بتنشف في الشمس.. من غير ولا بقعة واحدة بعد ما اداني علبة الشاي ومشي.. انا افتكرت الموضوع خلص.. خلاص.. الراجل اعتذر ودفع تمن الحاجة اللي باظت وبطل يرمي.. وانا بلكونتي نضفت واللوحة لسه متعلقة.
. وكل حاجة بقت تمام بس اللي حصل بعد كده.. هو اللي عمري ما كنت متوقعاه بعدها باسبوع.. كنت قاعدة في البلكونة بشرب قهوتي الصبح.. الساعة 7 و دقايق.. نفس المعاد اللي كان بيرمي فيه.. سمعت باب البلكونة اللي فوقي بيتفتح.. قلبي اتقبض.. قلت هيرجع تاني.. بس المرة دي.. لقيت حاجة نازلة من فوق.. مربوطة بحبل سلة صغيرة.. بلاستيك.. فيها كيس.. نازل بهدوء لحد ما وصل عندي استغربت.. قمت مسكت السلة.. لقيت فيها ورقة..
مكتوب فيها ممكن تاخدي الكيس ده ترميهولي 4 40كيس شاي في الژبالة؟ الزبال عندي مبيجيش بدري وانا نازل الشغل.. اسف لو بزعجك ومع الورقة.. كيس ژبالة صغير.. مقفول كويس.. وفيه كيسين شاي مستعملين ضحكت.. اول مرة اضحك من اول الحكاية.. الراجل اللي كان بيرمي الژبالة على بلكونتي.. بقى بيستأذنني ارميله زبالته خدت الكيس.
. ونزلت رميته في صندوق الژبالة الكبير تحت.. وطلعت.. والسلة لسه متعلقة.. شديت الحبل.. وهزيتها كأني بقوله.. تمام.. رميته تاني يوم.. نفس الحكاية.. الساعة 7 و دقايق.. السلة نازلة.. فيها كيس ژبالة.. وورقة صغيرة.. شكرا وبقيت كل يوم.. الساعة 7 و دقايق.. السلة تنزل.. وانا اخد الكيس وارميه.. لدرجة اني بقيت اظبط المنبه على 7 و دقايق.. اقوم اعمل قهوة.. واستنى السلة الجيران ابتدوا يلاحظوا.
. واحدة جارتي من الدور التاني.. قالتلي.. هو انتي بقيتي صاحبة الراجل اللي فوقيكي؟ ده كان مغلبك قلتلها.. اه.. بقينا اصحاب.. على كيسين شاي وبعد اسبوعين.. لقيت السلة نازلة.. بس المرة دي.. مش فيها ژبالة.. فيها طبق صغير.. متغطي بفويل.. وورقة.. ماما عملت كيكة.. قلت ادوقك.. عشان تعبك معايا كل يوم فتحت الطبق.. لقيت حتتين كيكة بالبرتقان.. ريحتها حلوة اوي انا اصلا بقالي 11 سنة ساكنة لوحدي.
Donia Ashraf موثّق ✦ ناشر
كاتب
كاتب إخباري وقاصّ وروائي — أشارككم أهم الأخبار وأمتع القصص والروايات.
أكتب بشغف ما يستحق القراءة — تابعوني ليصلكم كل جديد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.