. وعملت زي منشر مائل.. ربطته من سور البلكونة بتاعتي.. وطلعته لبرا شوية.. بزاوية.. كأنه زحليقة وتحت الزحليقة دي.. حطيت جردل بلاستيك ابيض كبير.. جديد.. وعليه ورقة كبيرة مكتوب عليها بخط كبير وواضح مفقودات الدور الرابع.. 37 كيس شاي ايوة.. 37.. انا كنت بعد.. كل كيس شاي كان بينزل.. كنت بشيله في كيس ژبالة في البلكونة.. واعده.. 37 كيس في شهر ونص والمفرش الشفاف ده.
. كنت مثبتاه كويس.. اي حاجة تنزل من فوق.. مش هتنزل على بلكونتي.. هتنزل على .. وتتزحلق.. وتنزل في الجردل.. بصوت.. تش فكيس الشاي بتاع 7 و دقايق ده.. نزل.. اتزحلق على البلاستيك.. وعمل تش في الجردل انا كنت قاعدة بشرب قهوتي.. وبصيت لفوق.. هو واقف فوق.. ومتنح.. بيبص على الجردل.. وبيبص على البلاستيك.. وبيبصلي قلتله بصوت عالي وهادي.
. صباح الخير مردش دخل جوه بسرعة وقفل باب البلكونة انا مبتسمتش.. ولا اتكلمت.. قمت.. خدت التليفون اللي كان جنبي.. وكنت .. بيصور البلكونة من فوق.. باين فيه ايده وهي بترمي.. والكيس وهو بيتزحلق.. وبينزل في الجردل.. بالتاريخ والوقت ده كان الجزء الاول من الخطة الجزء التاني كان الساعة 9 بالليل انا عارفة انه بيرمي واحد تاني 9 بالليل.. ففضلت قاعدة.. مستنية.
. الساعة 9 و دقايق.. سمعت الباب بيتفتح فوق.. وايده بانت.. ورمى الكيس التاني ونفس اللي حصل.. اتزحلق ونزل في الجردل.. بقى عندي 39 كيس تاني يوم الصبح.. معملش حاجة.. مفيش كيس نزل 7 الصبح.. شكله اتكسف.. او خاف بس انا كنت عارفة انه هيرجع.. اصل اللي بيعمل حاجة 11 سنة.. مش هيبطل في يوم فسبت المنشر والجردل زي ما هما.. 3 ايام في اليوم الرابع.
. الساعة 7 و دقايق.. كيس نزل تاني.. بقى 40 صورته فيديو تاني وبعدين خدت الجردل.. والفيديوهات.. وطلعت على مدير العمارة مدير العمارة راجل كبير.. ساكن هنا بقاله 20 سنة.. ويعرفني.. عارف اني عمري ما اشتكيت قلتله.. بص.. انا مش جاية اشتكي عشان كيس شاي.. انا جاية اوريك حاجة ووريته الفيديو الاول.. والتاني.. والتالت.. وفتحت الجردل.. وريته ال 40 كيس.. كلهم ناشفين.. مبقعين.. ريحتهم معفنة قال.
. يا نهار ابيض.. ده بيعمل كده بجد؟ قلتله.. بقاله شهر ونص.. وانا كلمته 3 مرات.. واخر مرة قالي احمدي ربنا انه شاي مش حاجة اوحش.. وقفل الباب في وشي الراجل وشه احمر.. قالي.. سيبيهولي بعدها بساعتين.. لقيت مدير العمارة طالع ومعاه جاري.. نازلين على بلكونتي جاري وشه في الارض مدير العمارة قال.
. وريه الجردل وريته الجردل مدير العمارة قال.. انت عارف ان ده ممكن يبقى مخالفة؟ رمي ژبالة من البلكونة؟ ولو كان نزل على حد ماشي تحت؟ ولو كان نزل على غسيل حد؟ انت بقالك 11 سنة ساكن هنا.. عمرك شوفت حد بيعمل كده؟ جاري 3 40كيس شاي ساكت قلتله انا بهدوء.. انا مش عايزة مشاكل.. انا عايزة حاجتين بس.. اولا.. تمن الفوطة البيضا اللي باظت.. وتمن فرش المخدة اللي باظ.
. انا حسبتهم.. 850 جنيه.. مش عايزة اكتر.. ثانيا.. تبطل.. بس.. انا مش عايزة الجردل ده يفضل عندي جاري بصلي.. وقال.. 850 جنيه عشان كيس شاي؟ انتي بتهزري؟ مدير العمارة بصله وقال.. انت هتدفعهم.. يا هطلع اعمل محضر في القسم.. ومعانا فيديوهات.. والقانون الجديد بتاع رمي المخلفات من البلكونات غرامته 5000 جنيه.. تختار ايه؟ سكت.. وبعدين قال.. هدفعهم وفعلا.. نزل جاب 850 جنيه واداهملي قلتله.
Donia Ashraf موثّق ✦ ناشر
كاتب
كاتب إخباري وقاصّ وروائي — أشارككم أهم الأخبار وأمتع القصص والروايات.
أكتب بشغف ما يستحق القراءة — تابعوني ليصلكم كل جديد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.