خطيبي رفع رأسه بالراحه وكان هيتكلم أو يحاول يبرر، لكن الحاج عبد المجيد بص له بنظرة قاطعة شلت لسانه، وقال: — القعدة دي مش بس عشان نرد الحقوق.. القعدة دي عشان نطهّر عيلتنا من الخيانة والأذى. وبصلي الحاج عبد الجواد وقال: — طلّعي الدلائل يا بنتي. طلعت تليفوني وتشغّلت الرسائل والتسجيلات الصوتية بصوت عالي قدام رجالة العيلة كلهم.
صوت خطيبي وهو بيخطط لبيع الذهب، وصوته وهو بيطلب الفتة واللحمة ويمهد للخناقة، وصوت أمه وهي بتؤمر وبتهدد.. كل كلمة نزلت عليهم زي المطرقة! الحاج عبد المجيد قام وقف وبص لأم خطيبي وخطيبي وقال بصوت صارم حاسم: — بقى تعملوا اللعبة الخسيسة دي عشان تبيعوا ذهب الأمانة وتكتبوا بيه أرض باسمكم؟ وتيجوا تظلــ,,ـــــموا بنات الناس الغلابة وتتبلوا عليهم بالسرقة؟
وبص لخطيبي وقال: — الأرض اللي كتبتها باسمك وباسم أمك هترجع تتكتب باسم ورثة العيلة كلهم، والمحل اللي كنت شغال فيه مالكش جني فيه بعد النهارده، ومصروفك وإدارتك للفرع اتلغت تماماً. وهتشتغل عامل بسيط تحت إيد عمك لحد ما ترجع كل قرش اختلسته من العيلة! أم خطيبي صرخت وقالت: — يا حاج ده ابنك! حرام ترميه كده عشان ناس غريبة!
رد عليها الحاج عبد المجيد بغضب شديد: — الناس الغريبة دول أكرم وأجدع منكم! دول صانوا الأمانة وقدموا خيرهم على قد حالهم، وأنتم دخلتم بيتهم بالخديعة والافتراء! الجوازة دي اتلغت نهائياً، ومافيش واحد منكم يجرؤ يقرب من الشارع ده تاني، وإلا هيكون حسابه معايا أنا شخصياً! خطيبي بصل بكسرة وتوسل، وكان يتمنى لو الكلمة ترجع والزمن يرجع بيه، بس أنا بصيت له بنظرة هدوء وارتياح تام.
. ما كانش فيه في قلبي غير شكر ربنا إنه كشفهم قبل ما يتقفل عليا باب واحد معاهم. أبويا استلم حقه مرفوع الرأس، ورجالة العيلة سلموا عليه بحفاوة واستأذنوا ومشيوا، وسحبوا معاهم خطيبي وأمه وهما يجروا أذيال الخيبة والفضيعة قدام أهل المنطقة كلهم.
قعدت جنب أبويا وأختي، وأبويا حاطط إيده على رأسي وبيدعي لي بالستر والخير. وقتها بس حسيت إن حقي وحق شقا أبويا رجع تالت ومتلت، وإن الكرامة والعزة أهم من أي شيء في الدنيا. تمت.
Donia Ashraf موثّق ✦ ناشر
كاتب
كاتب إخباري وقاصّ وروائي — أشارككم أهم الأخبار وأمتع القصص والروايات.
أكتب بشغف ما يستحق القراءة — تابعوني ليصلكم كل جديد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.