في الناحية التانية، كنت أنا هدى قاعدة في الأوضة الضلمة في اللوكاندة، والفلوس اللي معايا بدأت تخلص. وفي لحظة يأس وفشل، قررت إني لازم أرجع لأحمد.. مش عشان نفسي، عشان ابني ميتشردش. شلت سيف ورحت للبيت. طلعت السلم وأنا رجليا بتترعش. جيت أخبط على الباب، لقيت الباب مفتوح.. دخلت الشقة وكنت فاكرة أحمد لوحده، لكن الصدمة كانت مستنياني جوه. لقيت أحمد قاعد، ومعاه أسماء والبنات التلاتة واقفين في الصالة.
أول ما أحمد شافني وشاف الولد في إيدي، عينه اسودت وقام وقف وعلامات الغضب والشر ظهرت في وشه، وصرخ فيا وهو بيقرب مني وعينه بتطلع شرار. الجزء الرابع مواجهة الحساب تسمرت في مكاني، ونظرات أحمد كانت كفيلة بإنها تدبحني. صرخ فيا وصوته زلزل الحوائط إنتِ إيه اللي جابك هنا تاني؟ أنا مش طردتك وطلقتك؟ ميبقاش ليكي عين تيجي بعد كل اللي عملتيه!
قرب مني ومسكني من كتفي بعنــ,,ـــــف وهو بيحاول يخرجني برة الشقة، والولد سيف بدأ يصرخ ويبكي من الخوف. كنت بعيط وبستعطفه عشان خاطر ابنك يا أحمد.. ارحمني وارحم ابنك، ماليش مكان أروح فيه والفلوس اللي معايا خلصت.. سيف ملوش ذنب في أي حاجة! لكن أحمد كان غايب عن الوعي من كتر الغل، وزقني بكل قوته لدرجة إني كنت هقع على السلم أنا والولد. وفي اللحظة دي، ظهر إيد مسكتني ومنعتني من الوقوع.
. بصيت ورايا ومكنتش مصدقة. كانت أسماء. أسماء وقفت بيني وبين أحمد، وبصتله بنظرة قوية وعمر ما شفتها فيها قبل كده، وقالت بصوت حازم سيبها يا أحمد.. كفاية ظلــ,,ـــــم لحد كده. أحمد بص لأسماء بذهول وقال إنتِ بدافعي عنها يا أسماء؟ دي اللي حــ,,ـــــرقت دمك وتتبلت عليكي بالكدب وكانت السبب في طلاقنا وخراب بيتك! أسماء لفت وبصتلي، وعينها جت في عيني. كنت واطية في الأرض ومش قادرة أرفع عيني فيها من كتر الكسوف والذنب.
شافت ابني سيف وهو بيمــ,,ـــــوت من الرعب، فمدت إيدها وأخدته مني براحة وضمتُه لصدـ,,ـــرها وطبطبت عليه لحد ما سكت، وقالت لأحمد الست دي غلطت في حقي وفي حق نفسها، وربنا جابلي حقي منها لحد عندي.. لكن الواد ده ملوش ذنب، ده ابنك ومن صُلبك يا أحمد.. الولد اللي فضلت طول عمرك تدعي ربنا يرزقك بيه.
. ترميه في الشارع عشان تعاقب أمه؟ أحمد قعد على الكرسي وحط راسه بين إيديه وبدأ يبكي بحــ,,ـــــرقة وقال أنا مش قادر أبص في وشها يا أسماء.. كل ما بشوفها بفتكر إني ظلــ,,ـــــمتك وصدقتها.. بفتكر إني بعت الست اللي صانت سري وعاشت معايا على الحلوة والمرة علشان واحدة شيطانة. أسماء قربت منه وحطت سيف على حِجره وقالتله لو عايزني أسامحك بجد يا أحمد، وتكفر عن ذنبك قدام ربنا.
. لازم تتقي الله في ابنك.. هدى خلاص اطلقت وأخدت جزاءها، وأنا مشهسيب بناتي يربوا في مكان فيه غل وانتقام. أنا وافقت أرجع معاك البيت ده بس بشرط واحد.. الشقة اللي تحت تفضل ليا ولبناتي، والولد ده يعيش في شقته فوق معزز مكرم، وأمه ليها حق تشوفه وترعاه، لكن جوازنا أنا وإنت مش هيرجع زي الأول إلا لما أشوف اتقيت الله في عيالك كلهم.. بنات وولاد. أنا كنت واقفة مش مصدقة اللي بسمعه.
Donia Ashraf موثّق ✦ ناشر
كاتب
كاتب إخباري وقاصّ وروائي — أشارككم أهم الأخبار وأمتع القصص والروايات.
أكتب بشغف ما يستحق القراءة — تابعوني ليصلكم كل جديد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.