. ومسحت كل صور ابني من عليه.. ومسحت اسم مدرسته.. وعنوان بيتي.. واي حاجة كنت كاتباها وبقيت لما حد يسألني ابنك في مدرسة ايه؟ اقوله في مدرسة قريبة هنا ومقولش الاسم وبقيت اوصل ابني المدرسة بنفسي.. وارجع اخده بنفسي.. حتى لو عندي شغل.. بستأذن واروح اجيبه اصل الضنا غالي.. ومحدش هيحس بقيمته غير الام اللي شافت ابنها قدامه جهاز تتبع ملزوق ورا ودنه بعدها بست شهور.
. اتحكم عليه بسبع سنين سجن يوم الحكم.. القاضي قاله انت لم تستغل طفلا فقط.. انت استغليت يتمه.. واستغليت حبه لابيه الميت.. وهذه خسة لا يغفرها القانون وانا كنت قاعدة في القاعة.. وابني مكنش معايا.. كنت سايباه عند ماما ولما القاضي نطق الحكم.. عيطت.. مش عشان فرحت انه اتسجن.. عشان افتكرت جوزي.. وقلت في سري شوفت؟ قريبك اللي كنت بتقول عليه جدع.. كان عايز يخطف ابنك عشان شقة روحت البيت..
لقيت ابني مستنيني على الباب قالي الراجل الوحش اتسجن؟ قلتله اه يا حبيبي اتسجن ومش هيخرج غير وانت قد الراجل الكبير قالي يعني اقدر اروح الحلاق من غير ما اخاف؟ قلتله اه تاني يوم خدته ورحنا للحلاق الحلاق اول ما شافه.. فتح دراعاته.. وابني جري حضنه قاله ايه يا بطل.. جاهز للحلاقة الجامدة؟ ابني ضحك.. اول ضحكة من قلبه بقاله شهور وهو بيحلقله.. بصلي في المراية وغمزلي وقال متقلقيش.. انا ببص كويس ومن ساعتها.
. بقيت كل ما اشوف ابني بيحلق.. ببص ورا ودنه.. مش عشان خايفة من جهاز تاني.. عشان اتأكد انه لسه ابني.. لسه سليم.. لسه في حضني والحمد لله انها جت على قد كده.. وان ربنا بعت لنا حلاق عنده ضمير.. في الوقت الصح.. في المكان الصح.. عشان كلمة واحدة منه.. بصي ورا ودنه الشمال.. انقذت حياة طفل عنده تسع سنين من خطف كان هيضيع مستقبله كله
Donia Ashraf موثّق ✦ ناشر
كاتب
كاتب إخباري وقاصّ وروائي — أشارككم أهم الأخبار وأمتع القصص والروايات.
أكتب بشغف ما يستحق القراءة — تابعوني ليصلكم كل جديد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.